Antsam-panahy FFKM-Frantsa
Hitondrana am-bavaka an’i Madagasikara
Miarahaba anareo amin’ny anaran’i Jesoa Kristy Tompo !
Noho ny fitsingerenan’ny fetim-pirenena malagasy dia mahafaly ny mpitondra sy ny kômitin’ny FFKM-Frantsa ny manasa antsika Malagasy mpiray firenena rehetra tsy an-kanavaka hanatrika ny Antsam-panahy hiarahan’ny antoko mpihira 3 tonta avy ao amin’ny FKMP- FPMA-FAMP ho fangataham-pitahiana ho an’ny tanindrazana.
Asabotsy 29 jona 2011, manomboka amin’ny 7 ora 30 hariva ao amin’ny
Paroisse du Saint-Esprit
186, avenue Daumesnil – 75012 Paris
( voir le plan ici )
Métro : Daumesnil ( Felix Eboué )
Ny Tonia
Rtoa Harisoa ANDRIANJANAHARY
Teny fanolorana,
Miarahaba sy mandray anao amin’ny anaran’ny Tompo ry havana tongasoa mitsidika ity tranokalan’ny Fiangonana Anglikana Malagasy eto Paris ity . Nohon’ny fahasoavan’Andriamanitra dia vita soa aman-tsara ny fanavaozana ity site web ity ho fanatsarana ny teo aloa izay ho entina hampandrosoana ny Fanjakan’Andriamanitra .
Ankehitriny dia sehatra iray tsy azo avela nohon’ny fandrosoan’ny teknolojia ny Internet ary fitaovana iray azo hampiasana ihany koa eo aminy fampielezana ny Filazantsara. Koa dia mirary anao ry rahalahy sy anabavy tsy hakanavaka hahita ny tsara indrindra amin’izao fitsidihanao izao, na avy aiza ny finoanao na avy aiza dia iray ihany isika Kristianina eo anatrehan’Andriamanitra Ray sy Zanaka ary Fanahy Masina izay persona Telo anefa Andriamnitra iray ihany.
Fa hoy Jesoa Kristy, « Izaho no làlana sy fahamarinana ary fiainana; tsy misy olona mankany amin’ny Ray, afa tsy amin’ny alalako » Jaona 14,6.
Ho ao amintsika mandrakariva anie ny fahasoavana sy ny fiadanana avy amin’i Jesoa Kristy.
AKON’NY KAONSERITRA EVANJELIKA – JIONA 2013
Tamin’ny fifaliana lehibe tokoa no nanotronan’ireo olona izay tonga nanatrika ny kaonseritra izay nikarakarain’ny antokom-pihira Anglikana Malagasy eto Paris ka nanasan’izy ireo ny antokom-pihira ny Adventista Maranatha St Cloud sy ny Anglophone St Georges. Niavaka tamin’izany ny talenta nasehon’ireo 6 mianadahy nifandimby nanao solo tamin’ny feo manga.Ho hitanao ao amin’ny takelaka Multimédia ireo sary sy videos vitsivitsy azo tamin’izany.
FITSIDIHAN’NY EVEKA S.J RANARIVELO
Nahavory Kristianina Anglikana maro ny fitsidihan’ny Eveka Samoela Jaona RANARIVELO mivady teto Paris ka nahafeno ny fiangonana St Georges ny alahadin’ny Pentekosta izay fotoana nitarihany ny Komoniona Masina sy nanaovany ny toriteny. Marihana fa fotoam-pivavahana niarahana tamin’ny mpiangona Anglisy io andro ka karazam-pitenenana 3 samy hafa ( malagasy, anglisy, fantsay ) no nanatanterahana ny La Messe mariky ny andro nilatsahan’ny Fanahy Masina ka nampiteny fiteny samy hafa an’ireo olona nivory tao Jerosalema.